The Story of Zeinab – 1

Uncategorized

قـــصــة زيــــنـــب 1 

القــــــبــــض

 انا زولة ربة منزل. اتزوجت عمري 13 سنة وعملت 18 سنة أم لي 3 أطفال. أبو أولادي مشا ليبيا وخلاني مع أهله. طبعا الصرف والمسؤولية وكدا ما لقيت يد اتمدت لي وأهله قاعدين. أنا أبوي لو في بيقيف معاي مافي سبب يخليني اتحرك لكن أبوي بعيد. قلت لي صاحب أبوي أنا مسافرة ماشة الخرطوم قال لي تمام مافي مشكلة. عندي 3 فرشات، البساط العادي دا، مسكتها بعتها وقطعت التذكرة لي أطفالي واحد عمره سنتين وواحد 3 سنين والبت عمرها 39 يوم. اتحركت من هناك وانا مسافرة بليل في نقلي، لقيت عساكر جيش واحد من أولاد المنطقة. عساكر الجيش ديل بقوا يقولوا لي جيبي الأولاد نشيلهم ليك وانت مسافرة براك ليه؟ قلت ليهم انتوا عارفين راجلي خلاني وسافر وانا ماشة دايرة أصل أمي في الخرطوم قلت أمشي الفترة القاعداها هناك لحدي ما هو يجي. أنا قطعت التذاكر وركبت كنت جد صغيرة سنا وما فاهمة أي شي، زولة من 13 سنة أدوني لي راجل وقاعدة بس ست بيت يعني ما بعرف أي شي. وصلنا حتة في الطريق قالوا عساكر الجيش فيها مشتبهين. أنا الكلام دا عرفته بعد مدة، بعد ما اتقبضت وقضيت الفترة وعاشرت الناس جوا بعد داك عرفت الكلام دا كله. خلاص وصلنا الحتة دي بقوا يقولوا لي “دقيقة نجيب ليك شاي ما تنزلي خليكي قاعدة عشان تعايني للحاجات” يعني خلي بالك للعفش، قلت ليهم ما مشكلة. الأطفال زاتهم كانوا ملبسين والدنيا برد وهم بيقولوا لي بتك صغيرة ما تنزلي. اتاريهم كان راسمين لي زي ما تقول استغلوني أنا هدف كنت قدامهم. طوالي بس جو ناس خاشين تفتيش، قالوا دا عفش منو؟ قلت ليهم عفشنا. شفت بس من دي هم اختفوا. دا عفش منو؟ قلت ليهم دا عفشنا، وين المعاك انتي براكي؟ قلت ليهم ما براي معاي 3 نفر، اتنين ما بعرفهم لكن واحد بعرفه من أولادنا. أنزلي نزلت لافاها بتي بالبشكير. اقعدي قعدت. عفشكم وين؟ قلت ليهم دا ودا ودا بكل حسن نية. الناس دي اختفت مني، عندي شنطة بتاعت البيبي دي فيها ملابس بتي شالوها غطوا بيها الحاجات. الحاجات دي كلها حقاتكم قلت ليهم كلها حقتنا. بعد ما فتشوا قالوا لي ارح معانا، قلت ليهم ارح معاكم وين؟ قالوا لي القسم، انتي راكبة وقلتي الحاجات دي كلها حقتكم ما عارفة الحاجات دي فيها شنو؟ بس دا الحكمني، حاجة ما عندي فيها ذنب وما بعرف البنقو دا يعني سبحان الله بس غايتو.

*اسم مستعار

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s