قـــــــــصــة زيــنــــب 4

Uncategorized

الــــــــــــســـــــــــــجـــــن

مشيت يعني عشان ما متعلمة ضياع من كل الجهات عدم التعليم حاجة كعبة مشيت شفت اليافطة وعساكر ماسكين السلاح قلت دي حراسة فكرت كدا. ناس السجن سلموا علي ورحبوا بي عشان كنت صغيرة، بعد اسبوع حتى قالوا لي 20 سنة. انا ما كنت بفكر في اي شي قلت ليهم 20 سنة دي يعني شنو واولادي معاي. دخلت جوا لقيت الناس في القسم البتقول أنا 20 سنة والبتقول أنا 10 والطلعت وجات تاني. بعد شهر اتلفت كدا والحيط حتى شوية ابتديت أجمع ومن قصص الناس وحكاويهم بديت أجمع وراسي عمل اشتباك. كنت بعيدة جدا من الناس. حبة حبة دخلت عليهم واتعايشنا قعدت حكاية بتاعت سنة هناك بعدين اتنقلت لي سجن امدرمان

أنا طلبت اتنقل سجن أمدرمان. جازفت وتاجرت. سجن امدرمان ما كعب لكن الحاجة دي بتعتمد على احترامك للناس. عندنا الادارة بتحترمها، عندنا صف الضباط عندنا المديرة. تكون بتحترم الناس بتحترمك ياهو زي برا. تكون زول أي كلام مافي زول عندو ليك حاجة. انحن بنفتش الغلط برانا طبعا، يعني مثلا التلفونات عندنا ممنوعة، السجاير ممنوعة، الكريم ممنوع لكن هسي اتصرح في السنين الأخيرة، الصعود ممنوع، طبعا في نسوان بتسف وتسجر. دا كلو أنا بعملو وجو الوراي بعملو ولقيت قدامي ناس بعملو. لو لقوك ممكن يجيبوك يقششوك ويحذروك أول مرة، أما بالنسبة لينا نحن طبعا بنتسمى “الرؤوس الكبيرة” ممكن آخد شهر زنازين، جلد 40 سوط، 60 سوط، ولا لو زهجوا منك، أنا مرة زهجوا مني أدوني 4 شهور و15 يوم زنزانة، جردوني من أي شي. في مرة أبعدوني ودوني مدني. الحكومة قالت أنا عذبتهم، قلت ليهم آي أنا عذبتهم لكن أنا عايزة حل. لما ودوني مدني وجيت قعدوني قالوا لي انتي عيانة؟ قلت ليهم لا، عندك نفسيات؟ قلت ليهم لا، عندك مشكلة؟ قلت ليهم عندي مشكلة آي. انتي الزنازين دي ما بتزهجي منها؟ كبيرة كدا بيقعدوك يهينوك. قلت ليه انا اتهان واتجلد واي شي لكن أولادي ياكلوا لقمة نضيفة، يقروا وامورهم تكون ماشة زي الأنا برا، ما دايرة احوجهم لي أي حاجة. أنا القدامك دي أمية وعندي 3 أطفال ضحيت بي نفسي عشانهم. بعدين جات مشاريع دكان في السجن، مسكتوا وخليت السجاير والكريم والحاجات الممنوعة. وبقيت بتاجر وببيع وبشتري واموري بقت احسن.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s